張衞健：拍拖分手好小事

張衞健說：「啲雜誌報道好好笑，因為唔係事實，好似附屬卡咁，好耐之前大家都傾過，知道安仔冇畀卡Michelle。（有傳你哋班老友好想安仔同Sammi復合？）絕對冇咁嘅事。（點解分手？）唔知，安仔連宣布分手都冇講，我哋亦都唔會問。（企喺朋友立場，想唔想安仔同Sammi復合？）冇話想唔想，只因為安仔同Sammi係藝人，而Michelle係圈外人先咁，如果三個都係普通人，拍拖、分手只係好小事。（安仔有冇講唔開心？）唔會傾呢啲嘢，最多多啲陪安仔。」

吳國敬則表示絕不信安仔以粗口辱罵女友，被問是否想安仔與Sammi復合時，他說：「關我鬼事咩！呢啲要講緣分。（Sammi話不敢驚動愛情？）咁做朋友算啦！總之，佢哋都係我哋朋友，望佢哋同邊個一齊都會幸福。（傳成班朋友唔鍾意Michelle？）坦白講，寫嘅人知乜？我反而擔心Michelle多啲，佢始終係女仔唔夠男仔堅強，都希望佢將來找到幸福。」

梁詠琪

蔡少芬

此外，Sammi昨日凌晨在Facebook上載自白全文，獲圈中不少藝人紛紛留言祝福，同樣信主的關心妍和蔡少芬表示會為她禱告，好友梁詠琪亦留言祝福︰「現有微博真好，一次過，說得清清楚楚，故事式的報道也編不下去了，祝福！」另外，截至昨晚，已有逾二千fans點擊Sammi的自白信，並留言力撐和祝福她。