鄭嘉穎否認做廿萬帛金
樂壇教父戴思聰將於周三出殯，但他和鄭嘉穎的師徒恩怨仍糾纏不清，日前戴家治喪委員會發聲明禁嘉穎出席喪禮，昨日本報收到一封「鄭嘉穎致戴家」的電郵，令事件再起波瀾。
寫到亂晒
這封署名「鄭嘉穎」發出的信件內容為：「一直聯絡不了戴家，兒子鄭嘉穎曾在生前和戴老師有很多誤會，但死者已矣，嘉穎會送上帛金廿萬元和花圈獻上最後祝福，望戴家接納。」不過，發信人誤將「鄭嘉穎和戴老師生前」寫為「鄭嘉穎生前」，變成嘉穎已死，認真棹忌！
情願誦經
本報向嘉穎求證時，他透過助手否認發信給戴家：「傳聞而唔係事實嘅嘢唔回應。」而戴辛尉接本報電話訪問說：「可能有人整蠱佢，自己知道呢件事當然唔高興，整蠱人要有出發點，我哋搞緊喪事，呢個時候做呢啲嘢唔啱。」戴蘊慧亦力斥：「呢個世上好多人好無聊，希望嘉穎同我哋有共識，唔好再講咁多是非，畀老師安詳咁去，佢唔使做帛金，情願佢請僧侶誦經仲好，唔好講錢。」
另外，當年與鄭嘉穎、陳曉東同時拜戴思聰為師的朱潔儀，昨日專誠往探望師母，期間有一起重溫老師與昔日徒弟的舊照，她說：「其實師母心情已經平復好多，（有冇同你提起鄭嘉穎？）人都唔喺度，唔好講咁多是非嘢，等師傅走得舒服。」
採訪：音樂組