Joey露乳掩色兩點

人氣設計師Gareth Pugh來港，為I.T替他開設的專門店開幕助陣，大會更請來容祖兒（Joey）、徐濠縈、黃偉文（Wyman）等型人撐場。悉心打扮赴會的Joey，更自購毛毛皮靴配搭Gareth Pugh的秋冬新裝，透露有意找Gareth為其年底舉行的演唱會設計戰衣：「如果佢肯，乜嘢都得，唔使我畀橋！」被問到會否夠膽穿着Gareth設計的露乳裝，Joey搞笑地說：「可以o架，唔好大我，（露點喎？）你哋搵唔到嘅，將佢改成保護色，底線係好浮動嘅。」

積極減肥 要變人乾

Joey又提到師弟林峯在演唱會玩火又玩水，自己也開始為個唱準備，不能怠慢，被問到性感底線，Joey揚言：「冇乜底線o架，過兩日我開始減肥，希望減十磅，最好變人乾就啱喇。」Joey表示十月將會與好友黃偉文到巴黎為個唱入貨：「我想搵一條古董裙mix and match，為咗個騷我會不計成本。」Joey計劃回港後即閉關練歌排舞。

徐濠縈「人仔」送Eason

徐濠縈透露日前與好友一起食飯，為陳奕迅（Eason）慶祝生日，但就沒有送禮物給Eason，被問到會否送「人仔」給他，她謂：「會，不過遲啲啦，男人梗係冇所謂，因為唔係佢哋大肚。」提到她的時裝生意是否已賺一千萬元？她說：「咁又未，（賺夠400萬可以養多個？）呢啲計落Eason度，呢個重擔交畀佢。」

文：名人組