Baby透支冧偈入院

Angelababy工作無間斷，早前為「鐘錶界美女」胡敏珊自家手錶品牌Chouette的Hello Kitty腕錶拍攝新一輯廣告相，Baby化身成真人版Hello Kitty，着上Kitty的招牌紅衣藍褲，頭上放上蝴蝶結髮飾，擺出Kitty的經典姿勢，廣告中Baby跪了多個小時，但她毫無怨言，專業精神可嘉。

「香港的天使」

Baby表示拍攝該廣告只花了數小時，但很開心可以扮kitty，她說：「我好鍾意Kitty，而呢隻手錶去年主要用Bling Bling，今次換咗Kitty，覺得好Cute，fashion得嚟又好華麗。」Baby每影完一個甫士，均會走到電腦前看效果，務求有最佳的演繹。

Baby取代安室奈美惠成為Vidal Sassoon新一任代言人，早前在日本舉行大型發布會，並首次開金口，記者致電其經理人Kim，問到Baby是否出碟？她說：「會出EP，但仲未知幾時，嗰次發布會反應好好，日本好多報道以『香港的天使』來形容Baby。」

冇同Lynn爭寵

Baby十分重視今次發布會，加上之後連續三日拍廣告，在緊張又辛勞的情況下，最終體力不支病倒，要入院打點滴。另有傳Baby與同門的熊黛林（Lynn）爭一姐地位引起不和，Kim澄清完全沒有爭寵事件，她說：「Baby同Lynn大家好好感情，佢哋發展嘅路向唔同，有啲嘢Baby做到Lynn做唔到，Lynn做到Baby做唔到，大家唔會搶飯碗。」

此外，正在日本工作的Baby獲悉經理人Kim昨日帶隊出海開船P，在微博撒嬌表示她們「狠心」，並說：「我的感受，能體會一下嗎？」

採訪：名人組