金牌女新人朱紫嬈近期頻頻出動為新碟宣傳，貴為太子女，身邊除有唱片公司及助手全天候「護航」外，仲有個「神秘男子」經常陪伴在側，據知呢位高大男士正是朱紫嬈嘅男友。
好似早前佢出席一個電台活動時，頭戴cap帽嘅男友亦到場當「護花使者」，不過佢仲係新人，為免戀情太高調會遭公司詐型，兩人全程扮唔識，男友亦不敢走近佢身邊，只默默遙望愛侶，等活動完畢，兩個才前後腳離開，乖乖哋將戀情低調進行。