張敬軒之前被封為「張敬囂」，但熟悉佢嘅人，都知軒仔其實好鬼nice。日前軒仔出席活動，見到一個女工作人員大肚，就好細心咁噓寒問暖，當聽到對方話自從懷孕後，食乜嘔乜好辛苦，佢就將自己嘅補身方法教大肚婆。
軒仔話：「你可以試吓買免治豬肉，唔好落調味料，就咁燉，好似燉豬肝水咁，飲啲豬肉汁，好味又補身，身體易吸收，又唔會反胃。」軒仔仲話自己都有腸胃敏感，有時都會食乜嘔乜，但飲咗豬肉汁，身體好咗好多。