趙碩之蠱惑谷胸動漫快閃
動漫節禁止「知名人士」進場造成混亂，早前申請入場為代言客戶做宣傳的趙碩之（Wylie），雖然已被當局拒絕，但昨日依然冒險犯禁入場，更強撐只是前來為工作人員探班，認真蠱惑！
一連五天的動漫電玩節昨日舉行第二天，雖然大會早已表明封殺一班o靚模，嚴禁她們進場以免引起混亂，但無視「法紀」的Wylie昨日率先犯規進入動漫會場，並親身到其代言的遊戲攤位宣傳，相當膽大。而「味之天使」孫慧雪亦現身同一攤位做宣傳。
fans無緣親手解袍
穿上超低胸裙谷出深長事業線的Wylie，昨午三時現身代言攤位，雖然刻意外披一件遊戲服袍，但其出現仍然引來不少龍友圍o靚拍照，由於現場擠得水洩不通，原本要挑選一位男fans進行解袍禮亦無法舉行，最後由工作人員代勞！
Wylie全程表現得氣若游絲只逗留一會便離開，事後她表示身體不適見暈，她說：「我隻貓仔呢幾日發情，我啲精力畀佢吸晒，搞到冇覺好瞓！」問Wylie進場有否被阻撓？她說：「冇喎，其實都冇人知我嚟。（咁快走係咪驚畀人趕呀？）都驚愈來愈多人會引起混亂，不過都係我走先有人發現我。（頭先有人叫你快啲走唔好阻住晒？）係咩？我唔知喎，我聽唔到。」
棄cosplay改低調
原本Wylie打算穿cosplay服前來宣傳，但由於大會封殺，她惟有改穿普通服低調踩場，對於是次硬闖動漫？她說：「其實都唔可以話係硬闖，我都唔係嚟宣傳，只係嚟探班，同啲同事加油。」Wylie又謂不知道周秀娜亦於今日硬闖動漫。
文：名人組