熊黛林遭網友揭醜事

城城早前曾公開表示抗拒人造美女，就算太太整容都照飛不誤，令熊黛林（Lynn）慘被網友重提疑似整容舊事。有網友上載多張Lynn的舊照，既指她「脹爆」又形容她是「葉玉卿+李冰冰+范冰冰合體」。本報有數張Lynn的舊相，其中一張是她於03年參演電影《目的地，上海》的劇照，另一張是她參加首屆中國民族模特大賽時獲得季軍的相片，當時她的身材與現時一樣纖瘦，然而腮骨卻非常突出，樣子與現時分別頗大，難免惹來整容揣測。

另外，昨日Lynn聯同師妹劉沛蘅（Hilary）出席黃埔新天地舉行的「迪士尼Vintage Mickey經典米奇光影世界」，二人蹲下與小朋友合照時，身穿短裙的Hilary不慎露裙底春光，認真失策。

講拉頭馬甜笑不停

Lynn以Isabell Marant斜膊裙示人，早前城城榮升馬主，故Lynn被稱呼為馬主夫人，她聞言即甜笑：「唔關我事，唔係我隻馬。（城城話改『富黛』做馬名麻麻。）我廣東話唔掂，唔識改名。（如果個馬名有『黛』同『林』字，會唔會好開心﹖）唔好同我有關係，係佢隻馬，有個城字就算。」Lynn表示愛狗多過愛馬，又稱從未到馬場觀看賽馬，但若城城有馬出賽定必捧場，記者指城城可帶她到廂房欣賞賽事，她笑言：「去睇下都好。（城城係馬主，可以帶埋愛犬一齊入馬場？）唔得呀！呢啲特別待遇我唔要。」問她是否期待與城城一齊拉頭馬時，她甜笑不停。

台灣試鏡保持神秘

提到早前Lynn被指到台灣試鏡，更有機會與言承旭合作台劇，Lynn保持神秘說：「講得一定講。（期待合作？）有機會都好，想同多啲優秀嘅人合作，吸取經驗。（同城城合作！佢係影帝。）都想，但冇機會。（城城同言承旭邊個靚仔啲？）我唔鍾意比較，亦唔鍾意同人比較。」

文：名人組