今期Gag神又出題考大家，勇於接受挑戰的是三位年輕歌手，關楚耀與連詩雅想出一大堆有創意的答案，可惜未能過關，唯獨鄧紫棋（G.E.M.）三、兩下工夫便答對問題！
問題：有怪獸入侵地球，我哋應該做啲乜？
關楚耀:我哋應該招呼怪獸，同佢哋講吓嘢！（你同佢講咩？）我諗佢哋會有外星語言，我講嘅嘢佢哋應該會聽唔明，惟有用身體語言同佢哋溝通。（身體語言？）就係用人類交配嘅動作嚇走佢哋，咁就唔會侵略地球！
連詩雅:做一隊地球防衞隊嚟保護我哋，將怪獸趕出地球。（再試下！）我哋要坐火箭飛走，離開地球。（可以用咩方法趕走怪獸喎？）咁要犧牲一下，要用腳踢怪獸返大陸。（諗到咁遠……）
G.E.M.:用力咁打怪獸。（打佢？）我會打999嚟打怪獸。（點樣趕走怪獸喎？）我會唱古巨基嘅《地球很危險》嚟趕走佢哋！（好接近喇！）咁就一定係陳奕迅唱嘅《超人迪加》：一高奏，妖怪便逃走……哈哈！
答案：唱《超人迪加》主題曲（歌詞：一高奏，妖怪便逃走。）