Mr.歐遊眼戒大開

樂隊Mr.早前隨師兄陳奕迅出發到歐洲各地舉行巡迴演唱會，他們來到阿姆斯特丹站時，當地最出名就是有各式各樣的博物館。未出發先興奮的Alan，更做足資料搜集：「荷蘭最正就係有好多博物館，連性博物館都有，當然仲要去睇吓我偶像梵高嘅博物館啦！」

提到性博物館，Alan坦言是抱住好奇的心態：「好想睇吓有咩咁特別，原來都只係有大量唔着衫嘅裸露相，最特別就係有條高過人嘅陽具。（尷尬？）咁又唔會，只係好好奇，抱住學習當地風土人情嘅心態去睇，都唔會覺得有啲咩。今次嘅行程可謂『大開眼戒』！」

他們亦在當地朋友帶領下夜闖紅燈區，Ronny謂：「當地人好開放，黃色事業甚至毒品都係合法化，於是我哋去咗紅燈區睇吓，嗰度有好多着晒比堅尼嘅女仔，坐喺度誘惑啲男人。」

Dash笑言香港的o靚模比當地的女仔更大膽，問他當時有沒有心癢癢的感覺？他說：「唔係我杯茶囉！」

Tom沒有緋聞女友Evelyn在旁，不知會否感到寂寞。	MJ早前隨隊到歐洲獻技。	Dash笑言歐洲女孩穿衣風格比o靚模更大膽。

「拜會」偶像梵高

原是已故著名畫家粉絲的Alan，亦把握機會到梵高博物館參觀：「梵高係荷蘭嘅國寶，以前我知道香港有梵高嘅畫拍賣，我都會特登去睇，今次仲可以一次過睇二百幾幅畫，真係好開心！」

文：盧坤穎