Bobby裸跑宣萱眼甘甘
歐陽震華為宣傳新劇，不惜在商場內「裸跑」，又在台上趷籮左搖右擺搞氣氛，更笑言要用海參裝假狗，合照時就連宣萱亦不禁斜視向下偷望，十分搞笑。
歐陽震華（Bobby）、宣萱、李思捷等人昨日為劇集《施公奇案Ⅱ》宣傳並為收視打氣。李思捷化身八爪魚保羅不成，變身先知美人魚「Pauline」預測收視達五十點，令Bobby需要遵守承諾「裸跑」。Bobby穿上貼身肌肉圖案上衣和貼身褲，再外配超大闊邊泳褲，在台上「趷籮」兼擺出各樣姿勢，令現場氣氛高漲。
替大宇蜜運開心
事後Bobby說：「好醜呀，成廿年冇着過泳褲，監製又冇畀海參我墊，長筒襪都得o架。宣萱都應該要着舉重衫當T-Back。」對於好友陶大宇被拍到沙灘照，Bobby說：「曬雀呀？好正常啫。（佢蜜運？）恭喜晒，佢同前妻都分開好耐，唔通兩個成世單身咩，佢哋搞隻狗撫養權都搞到好大鑊，村長都要出埋嚟。」對於被指拒絕有線訪問，他解釋與無綫仍有合約要尊重，指當日已接受了眾電視台的圍訪。
美人魚攻擊小聰
宣萱看到Bobby「全裸」造型笑不攏嘴，台上合照時亦按捺不住偷望，並笑言願意露「事業線」陪跑。問到外籍男友會否介意，她說：「外國人冇嘢嘅。（佢有睇o靚模寫真？）佢唔識睇。（睇圖咋喎！）佢冇時間，佢乜都唔知只知有我。」同場，藝人陳文靜將大會指定T-Shirt刻意剪短和開闊領，玩遊戲時上衣脫落至腰搶鏡。而陳山聰又坐在扮性感美人魚的李思捷身上，李思捷不停拍打他放於下體的紙牌預測收視，玩得相當盡興。 文：影視組