JC聞寫真意淫：有冇我份
擁有噴血警鐘胸的Jessica C.（JC）舉行寫真簽名會，獲男友和兩位從美國來港的妹妹齊齊撐場。對於日前有學者指部分o靚模寫真意淫，她即緊張地反問有沒有她份，並指自己的寫真只是性感，而非色情。
於今年書展推出處女寫真的JC昨日在商場apm舉行簽名會，吸引半百fans到場等候，商場亦有大批途人圍觀，JC在台上講感受和答謝fans支持時不禁眼濕濕。其男友及兩名由美國專程來港的妹妹亦有到場給她驚喜，又向她獻吻，場面溫馨。JC甫見到打扮性感的妹妹Tara和Christine即打趣說：「你兩個着得咁性感，快啲搵嘢遮住。」之後又搞笑地叫兩人自掏腰包買她的寫真。問她可會錫fans，JC說：「睇情況，可能會擁抱或者畀個飛吻。」
緊張難眠
表現興奮的JC說：「其實之前係有少少唔開心，因為冇得喺書展舉行簽名會。我尋晚緊張到瞓得唔好，今日都有打電話畀媽咪。（點獎勵自己？）可能會去迪士尼玩又或者去個旅行。」問到日前有學者批評部分o靚模寫真意淫，JC即緊張地反問：「我嗰本有冇份？我本寫真有少少性感，但唔係色情。好多時寫真都係Target男性，我就男女都有。（有無睇過其他o靚模嘅寫真？）有睇過Angelababy，好靚好似小公主，Chrissie（周秀娜）就好有Sex Appeal。如果要買，會買佢哋嗰兩本，（有無睇過浸大E神楊梓瑤嗰本？）有，買唔買要睇下先。」
另外，Baby昨日在微博上載拍寫真花絮足本版短片，內有Baby跟關島土人跳土風舞等。
文：名人組