阿倫訓示關楚耀要爭氣
譚詠麟（阿倫）八場紅館演唱會前晚圓滿結束，阿倫請得契仔關楚耀（Kelvin）任嘉賓，悉心為他復出造勢。阿倫在台上以嚴詞訓示Kelvin：「做錯事要自己面對、承擔，希望畀個機會呢個年輕人，Kelvin出嚟呀！」阿倫遂和帶淚的Kelvin合唱《成功需苦幹》，並攬頭攬頸大晒溫情。阿倫又再三叮囑Kelvin要爭氣，並有感而發嘆道：「依家教細路好辛苦！」
其後，溫拿成員上台合唱，當阿倫答謝歌迷多年支持，獻唱《無言感激》時，再次落淚，而演唱會因超時被罰款五萬元。其後阿倫接受訪問時坦言開騷前四日才決定畀機會Kelvin，他又不滿時下年輕人不懂尊重長輩：「佢哋成日圍住打機，見到長輩唔識叫人。」幸好囝囝曉風仍遵守他堅持的中國傳統觀念，對長輩相當有禮。