傅穎超激谷歌Body任摸
徹底解放的傅穎（Theresa）谷胸上陣為新歌造勢，在台上勁歌熱舞先露窩釘打底褲，繼而擺動雙手由胸部掃落敏感部位，充滿誘惑，之後更任由女舞蹈員摸胸、觸下體，意識大膽。
繼在寫真集中大膽赤裸上身的Theresa，再次突破新形象，昨日為新歌《加加夫人》舉行發布會，吸引過百粉絲到場打氣，其姊及同性密友也有出現。穿上低胸貼身露背短裙的Theresa，力谷「事業線」，在台上勁歌熱舞時露出白色窩釘打底褲，更不停扭動身軀自摸，雙手由胸部掃落下體敏感位置，撩人舞姿十分誘惑，之後更任四位女舞蹈當眾摸胸及下體，超激演出令人詫異。
「你摸落嚟啦」
因現場反應熱烈，Theresa再次「安哥」，連唱兩次的她在第一次跳唱時疑似「咪嘴」，但其公司加以否認。Theresa承認女Dancers有觸摸其胸部：「排舞時班Dancers都唔知點，咁大家都係女仔，我咪同佢哋講：『你摸落嚟啦！』，下面都一樣摸到。」
打足底見得人
Theresa表示跳舞時排舞老師要她多擺誘惑動作，如叫她擺手在大髀罅，並笑言嫌自己昨日做得唔夠。她又揚言之後的歌衫一套比一套激：「因為好貼身，飲食都要節制。」更自爆穿了三條打底褲，既然畀人影得就見得人，不是走光。
演出後Theresa換跌膊密實裝為寫真集及繪本散文進行簽名會，對她被指質疑周秀娜寫真銷量誇大，周秀娜以「遲啲買樓咪知」作還擊，Theresa重申絕對沒有針對、懷疑一個人，有指周秀娜好「慶」，她說：「佢唔會興，我哋好friend唔會寸佢，佢明白娛樂新聞，佢有SMS畀我，還說娛樂新聞啫，唔需要擺喺心。」
文：音樂組