新香蕉俱樂部教o靚模取景
o靚模遭貿發局禁止在書展搞簽名會，一眾DJ及歌手如新香蕉俱樂部、路芙、李紫昕和瑪姬等卻以才子才女身份出書，在書展公然簽名。一向搞笑的新香蕉俱樂部成員林盛斌、范振鋒、杜浚斌表示將推出另類旅遊書《蕉牌旅遊打出身價坡》，以輕鬆方式逐一介紹新加坡景點：「今年好多o靚模喺外國影寫真，其實佢哋應該睇我哋本書，我哋有啲景點都好啱佢哋。（例如？）酒店房同海灘囉！」
至於路芙出動友情牌，邀請好友袁詠儀和黃佩霞撐場，為自己的新書造勢。而兒歌天后李紫昕亦會將推出兩本關於小朋友的書籍，當中有親子烹飪書：「我好細個就鍾意煮嘢食，我會教大家一啲簡單又好味嘅菜式，等細路仔都可以一齊煮，透過烹飪增進同子女溝通。」