o靚模Ivy升呢做主持
近日有o靚模的過火宣傳惹起各界狠批，已成為社會關注的問題。早前捲入曾國祥多角戀風波、引起全城熱論的o靚模蔡瑩瑩（Ivy），有意擺脫o靚模身份，憑口才殺入主持界。
Ivy天性活潑，口才了得，本身已具備有利在娛樂圈工作的條件。現時專注電影工作的Ivy，希望將來可憑出色的說話能力，嘗試走進主持界作新發展。
雖然Ivy剛捲入多角戀風波，但無損她對愛情的信心，她笑言︰「最怕男仔誤會我好慘，其實唔係，過咗去就過咗去。」回憶最甜蜜的戀事莫過於Ivy的19歲生日︰「男朋友親手整Tiramisu（意大利芝士蛋糕），原來佢一個星期前已準備，超好味。」有甜蜜當然有不愉快的事，她說︰「之前男友嘅前女友喺我哋拍拖時話我，不過前男友屋企人好支持我哋。（易有桃色風波？）唔覺，慶幸身邊好多好人。」
最緊要風度
其實Ivy很希望擁有長久的愛情，想找個專一的男伴︰「我好睇感覺，最緊要有風度，樣唔使靚仔，我鍾意啲奇怪樣。」她續稱朋友的評價最能影響她選擇男仔的決定：「佢哋話好就好，好易受影響。」Ivy平時會同李莉琳（Liz）和施念慈傾訴，不過Ivy強調她亦會找男仔傾訴的。
文︰專案組 攝︰沈健程