鍾嘉欣邪氣逼人抗拒搞鬼

劇集《蒲松齡》大結局收視平均36點，最高41點，結尾人鬼狐三角糾纏部分更感動得令人落淚，監製梁材遠昨於祝捷會宣布，此劇明年將以原班人馬開續集及舞台劇，眾演員開心得齊開香檳。

之前黎耀祥坦言睇好馬浚偉憑此劇與《情越雙白線》鄭則士爭今年「視帝」，剛巧該兩劇監製均為梁材遠（材叔），問材叔看好誰時，他說：「嗰個（鄭則士）已經係兩屆影帝，就唔好同啲後生爭啦！我真係好睇好佢（馬浚偉），攞唔攞到要睇佢造化。」

馬浚偉獲監製睇好做視帝，令他大感雀躍。

大結局取得最高41點收視，台前幕後士氣高昂。

在旁笑不攏嘴的馬浚偉謂：「我會揀唔諗，有梗係好，年年心態一樣，不過同我擦身而過好多年。」

法拉多線發展

鍾嘉欣對於開續集卻既驚且喜，她說：「都好開心，但可唔可以唔好講鬼呀！真係好邪，之前拍呢套劇我拍咁耐就唔舒服咁耐。（會否辭演？）咁又唔會，不過我唔想做鬼囉！我好驚失眠呀！之前一拍完呢套劇就即刻冇事。」

而陳法拉明年專注歌唱事業，也會兼顧無綫的工作：「我始終係電視台嘅人，拍劇永遠行先，公司都唔會畀我咁得閒，忙都係好事嚟嘅，都會一齊咁做，希望可以兼顧到。」

文：影視組