祖兒感激英皇Sing途全奉獻
樂壇天后容祖兒創香港歌手先河，新歌《破相》拍攝3D MV。有傳祖兒約滿在即，令英皇斥巨資來挽留她，祖兒昨日向公司大派定心丸，揚言一日做歌手都不會離開一手栽培她成材的英皇。
祖兒昨日舉行MV首播會，與歌迷率先分享。她表示能夠成為香港第一個用3D拍MV的歌手，感覺榮幸。祖兒抵死笑道：「如果我身材好應該會仲好睇。」為拍3D MV，英皇是次花費不菲，莫非是為挽留祖兒續約有關？祖兒笑謂：「咁都畀你哋聯想埋！其實公司一直以來對我不薄，出道至今全部嘅嘢都係公司畀我，每次有新嘢好嘢都畀我，但講到傾合約未有咁快啦。」
決不考慮其他公司
有指祖兒已滿十年死約，現只剩五年生約，祖兒坦言：「唔使傾，我嘅約係自動生效，總之我仲有一日唱歌都唔會考慮其他公司，合約對我嚟講只係一張紙。（做生不如做熟？）係感情，要計錢嘅話，我唔知要畀番英皇幾多錢先真，佢哋咁栽培我。」若有其他公司出高價都不心動？祖兒堅決說不會考慮。
問到老闆楊受成是否送四千萬元鑽鏈留住他？祖兒笑謂：「冇喎，等我問一問先。如果有條咁嘅鏈，我會叫老闆放番喺公司度賣，賣咗啲錢用嚟起文化建設好過。」
希望負面新聞消失
有報道又有指祖兒其中一個續約條件是踢走泳兒，祖兒即大呼冤枉：「更加唔會啦！絕對唔認為踩低人抬高自己係好事。我哋都係一家人，點解要咁講呢？我係睇得開嘅人，但有啲細路女聽到會唔開心。（你怕泳兒唔開心？）一定唔開心，所以呢啲唔好嘅新聞，唔好再出現。（同泳兒講番？）都會，唔想佢有任何誤會。」另外，早前祖兒大變髮，在髮型師Billy的精心炮製設計三個不同造型，有型有款。
文：音樂組