陳偉霆Baby同場不見齊爆瘡

美國R&B歌手Usher前晚在澳門開騷，吸引多位港星過大海朝聖，連過氣情侶William和Baby都現身撐場，Baby與師妹楊汀叮先到。素顏出現的Baby雖戴了黑超，但亦難掩額頭的爆瘡，可能「海綿蛋糕」不在身邊，令Baby缺乏滋潤。當她見到記者拍照即嬌嗔地說：「唔好影我！」

杏兒宗澤前後腳

十分鐘之後，William和吳浩康相繼出現，同樣額頭爆瘡的William戴黑框眼鏡現身。不知是否收到風Baby在場，William全程零笑容，相反吳浩康就笑容滿臉。問William有否看見Baby？他冷淡說：「係咩？唔知佢嚟！」即匆匆入場。

貪靚的Baby額頭爆瘡，叫記者不要拍照。

胡杏兒與黃宗澤這對緋聞情侶亦前後腳到場。

同場還加演緋聞情侶黃宗澤和胡杏兒前後腳睇騷。問杏兒是否約了黃宗澤？她即說：「唔係。」復工後的崔建邦亦有睇騷鬆一鬆，問有否約唐詩詠？他即指着身旁的王宗堯說：「冇呀，淨係拖咗佢嚟！」

化身型爆冰球員

此外，雖然William的感情開空窗，但工作就愈做愈起勁。美加暢銷啤酒Coors Light睇中William舞功一流，邀請他成為首位港澳區代言人。William在廣告中化身型爆冰上曲棍球員，他說：「玩ice hockey嘅都係猛男，自己身形一定唔能夠輸蝕，所以拍攝前日日玩健身，務求練到一身流線型肌肉。」

另外，Baby的寫真集出現搶購潮，其中一輯出水芙蓉相亦曝光。

文：音樂組