林莉男友豪宅晒銀彈

有「港版林志玲」之稱的林莉，為首本寫真集性感出擊，雖然她的34B上圍不及JC澎湃，不過身材高挑的她擁有44吋白滑長腿，誘惑宅男之餘，更成功「冧爆」緋聞富豪男友，借出億萬比華利山別墅豪宅，好讓伊人着住內衣通屋走！

如大宅女主人

林莉在近萬呎的豪宅內展示誘人身材，由於地方太大，連工作人員也差點迷路，林莉卻十分熟悉四圍環境，「女主人」身份呼之欲出！當她穿上粉紅色透視內衣褲躺在King size大床，即自動波擺出多款甫士，由於在高床軟枕上拍攝，林莉更不經意說：「好舒服！」

林莉在富商緋聞男友的大床上拍照，特別投入。

林莉對其處女寫真寄望甚殷。

昨日她在電話接受訪問時，被問到是否有富豪男友撐出寫真，她例牌否認拍拖，她說：「係公司安排，不過都要好多謝佢，（你喺間屋好熟路？）咁我又真係唔係第一次去呢度，我經理人都有成日去啦，覺得冇乜問題，（你瞓佢張床有咩感覺？）好舒服囉，之前影人體彩繪好辛苦，今次都算係筍Job！」

林莉與JC不約而同玩人體彩繪，後者充滿東瀛味。

放大圖片

要睇皮膚醫生

林莉口中的「辛苦job」，原來是她找來專業化妝師在身上玩人體彩繪，半裸變身「銀彈咪神」，她說：「真係好辛苦，事前用咗幾個鐘去做呢件事，啲顏料喺身上留咗半日，搞到皮膚敏感，睇咗兩次皮膚科醫生。」

對於不少o靚模寫真集被指過激，問她有何看法？她說：「我都冇眼睇，我覺得做model影相影到好似三級片咁就無謂啦！」她亦支持JC「性感要對得住阿媽」的言論，她說：「中國人有句說話叫身體髮膚受諸父母，我做任何事都會考慮父母感受。」

文：專案組