崔建邦冇約志雲「犯罪」
崔建邦與吳家樂昨擔任cm square首家男士魅力體驗中心的開幕剪綵嘉賓。崔建邦「復工」後賺外快收入不錯，談到早前被拍得於深井睇樓，他說：「我想換個環境，阿媽又話嗰度風水好，咪去睇吓囉，但太遠唔啱嘞。（想買樓？）依家只可以租。」
恩師陳志雲即將在電台開咪，崔建邦指自己「未夠班」做嘉賓，當記者問到他可有約對方飯聚時，他竟敏感的說：「犯罪？梗係冇啦。（係飯聚呀？）哦，有食過飯，都係閒話家常啫。」對於羅敏莊接棒擔任《勁歌》主持，阿邦謂會帶來新鮮感：「我都想做番，但明白其他人都應該有機會嘅。」
而吳家樂的孩子已放暑假，他稍後會舉家到日本旅行一星期。