基仔自認獅子唔怕林峯殺埋身
近日有傳無綫力谷林峯與師兄古巨基爭「最受歡迎男歌星」，基仔昨日表示不再爭名逐利，因他是「獅子」，故不存在「一山不能藏二虎」之說，他亦滿意新碟宣傳，新歌早已成四台的冠軍歌。
基仔昨日以「榮譽大使」身份出席「太陽計劃2010校園藝術大使計劃嘉許禮」活動，談及有報道指無綫傾力為「親生仔」林峯造勢，助他奪「亞太區最受歡迎香港男歌星」後，今年會助他和同門師兄基仔爭「最受歡迎男歌星」，基仔坦言言之尚早，自感入行廿年，現時對樂壇的心態是「畀到啲乜多過攞到啲乜」，他已不再計較得失。
新碟400萬宣傳
有謂林峯的宣傳攻勢強勁，基仔自感也不弱，指新碟於本月八日推出，七日將舉行記者會，有說不知他出碟，基仔反應頗大問：「邊個唔知？係你（指記者）唔知，我首《獨男》成績非常好，四台都係冠軍歌，你返去check吓！」基仔對英皇相當有信心，公司會在不同時間做不同的事。
事後基仔曾致電英皇高層霍汶希表傷心，因覺得「出碟冇人知」說法抹殺了宣傳人員的努力，而霍表示基仔的新碟已投資四百萬做宣傳，在這低迷的市道作此重金宣傳實是罕有。
說師弟三線平均
基仔被問到可擔心有「一山不能藏二虎」？他信心爆棚說未擔心過，因為他是「獅子」，他解說：「我係獅子座，英文名叫Leo，（即係萬獸之王？）點呀？講乜都死，我搞吓gag啫，（要食咗林峯？）唔好屈我。」
問基仔對師弟林峯的睇法？他大讚：「佢歌影視都幾平均，成績好。」基仔又突然有感而發說：「我哋啲前輩都有呢個定律，就係唔知幾時會退落嚟。」但他就不知自己的「退下期」是何時。
採訪：音樂組