宣萱渴望南非註冊
同為「好事近」的宣萱和商天娥，昨日出席無綫劇集《掌上明珠》宣傳。但宣萱否認結婚一事：「唔係見家長，只係去旅行，咁啱佢家鄉喺南非。（佢屋企人有冇催婚？）冇，佢哋好Nice、好傾得埋，過咗個平靜嘅假期，本身好鍾意大自然嘅非洲，佢屋企開農場，每日都畀雞啼叫醒。（鍾意咁嘅婚後生活？）冇諗過。（幾時結？）今年一定唔會，亦唔會畀年齡規限，最緊要夾。（南非註冊？）夢寐以求。」
而剛從外地影婚紗相回港的娥姐稱正努力Keep Fit：「做機減肥夾食中藥，都幾辛苦，不過都係為咗結婚嗰日着兩件晚裝靚。（目標減幾多？）十幾磅，依家減咗一半。」而被指溝o靚妹的陶大宇則大感無奈：「當日我已經回應晒，唔再講嘞，人哋點做我控制唔到，惟有當幫個劇做宣傳。」
