霆鋒讚二少爺天生佛耳
謝霆鋒的二少爺Quintus天生一對又圓又厚的耳珠，霆鋒形容為「佛耳」，對張栢芝為謝家再誕「慈姑椗」，可謂勞苦功高，但霆鋒未想過送樓給太太作獎勵，自嘲無能為力。
榮升做第二任爸爸的霆鋒，陪栢芝放了一星期產假，昨日即復工為代言的服裝品牌拍廣告，霆鋒早上近十一時乘保母車抵達柴灣一工業大廈，身穿Tee加牛仔褸、運動褲的他，着住拖鞋出現，霆鋒見到記者表現友善問好。問到二少爺Quintus，霆鋒即流露燦爛笑容問：「ＢＢ得唔得意？」記者大讚ＢＢ耳珠好厚，他連忙摸住自己耳仔笑說：「唔明點解佢有佛耳，老婆同我都冇。」
送樓獎勵無能為力
霆鋒步入Studio拍廣告，工作人員婉拒記者入內採訪，下午約四時霆鋒完成拍攝，離去時記者再追問栢芝何時出院？他說：「到時話你知。」霆鋒透露拍廣告期間，栢芝曾經來電，他大晒恩愛說：「今朝我喺醫院嚟，佢仲瞓緊覺，冇理由拍醒佢，佢起身唔見我咪打畀我。」霆鋒可會送車獎勵栢芝？他笑說：「睇吓佢要先啦，（送樓？）無能為力。」
Lucas冇呷細佬醋
霆鋒表示仍未為Quintus改好中文名，他說：「仲睇書揀緊。」問他恨唔恨栢芝再追個女？他說：「睇天，我恨ＢＢ身體健康啲，已經好感恩。」近日Lucas發燒不適，所以霆鋒不再帶Lucas到醫院，怕傳染給媽咪栢芝，霆鋒又否認Lucas呷細佬醋爭飲奶，他說：「佢好錫細佬。」之後霆鋒登上保母車直驅赤柱寓所。
拉姑跟鬍鬚Kong於傍晚抵達養和探新抱仔及孫仔，拉姑手捧兩大盤自製的奶黃包，請在場的傳媒吃，心情靚爆的拉姑笑說：「預咗少少畀栢芝食，佢身體好好，多謝關心，未有咁快出院。」
文：音樂組