Chilam拖靚靚巴塞隆拿熱身
身為足球迷的張智霖（Chilam）早前帶同太太袁詠儀（靚靚）及兩位女助手，趁世界盃未開鑼遠赴巴塞隆拿旅行，率先感受足球狂熱。逗留短短五天，Chilam坦言時間只足夠走馬看花，不諱言日後會再「舊地重遊」，原先他打算抽空欣賞當地足球賽事，可惜最後因時間上未能配合，只好掃興而回。
金足球贈城城
今次Chilam參觀當地足球場及購買了不少與足球相關的手信：「最開心係見到金色嘅足球，即刻決定買番嚟送畀郭富城，佢本身好鍾意金色嘛。（遲啲停工睇世界盃？）唔會，都係工作行先，唔會玩物喪志。（去南非睇總決賽？）擔心安全，我仔細老婆嫩，所以冇諗過。」Chilam坦言鍾情阿根廷足球，故定必為該隊打氣。
另外，母親節當天囝囝慕童樂極生悲撞穿了頭，Chilam被發現現身跑馬地醫院，陪囝囝縫針，幸而慕童傷勢無大礙，預料日內便可拆線。
文：影視組