謝婷婷BB可愛一抱唔放手
謝婷婷前晚出席連卡佛「The Jacket」酒會時透露工作太忙，所以仍未能抽空探望栢芝，又表示不敢抱BB，因為太可愛怕不捨得放手。有傳拉姑買樓贈BB，婷婷表示不清楚：「個市有高有低，媽咪都會成日睇樓！（買畀你做嫁妝？）佢信風水，睇啱先買，如果我將來要買樓都信晒媽咪。」
此外，昨日傍晚，拉姑和鬍鬚Kong結伴到養和醫院探栢芝和BB，拉姑帶了花膠燉冬蟲草湯給新抱仔，還風騷笑說要請傳媒食飯，問到栢芝幾時出院？她說：「冇咁快。」而約七時許，四哥謝賢亦有到醫院，但逗留僅半小時便離開，他說：「BB好好湊，好乖。」
另外，Eric Kwok日前亦到醫院探望栢芝，前晚他出席廣州頒獎禮時，被追問BB樣貌似誰？Eric故弄玄虛：「我見唔到BB喎，只係見到佢個鼻。」他又自爆從報章見到Lucas做粗口手勢，便追問霆鋒有否教囝囝做此動作。