葉準：我信任子丹！
被指對子丹不滿的葉準，昨日接受本報訪問時力證自己從來沒有接受任何雜誌訪問：「最奇怪係某啲報道，由始至終我無同佢哋做過訪問，無啦啦攞張舊相出嚟，我都唔知幾時影嘅。而且條題話我鬧人，但內容又話我係敦厚長者，搞到我都精神分裂！我對嗰篇報道大表遺憾，總之題目同內容係兩回事！呢件事搞到子丹早幾日特登喺北京打電話嚟同我道歉。」葉準又表示對子丹投以百分百信任票：「話我唔想子丹拍第三集？我根本無講過！唔明點解咁多是非，總之我唔會信謠言，我信任子丹！」
葉準更大讚子丹是既勤力又認真的演員：「佢一向好尊重我，之前佢唔係咁忙時，都會間中搵我飲茶傾偈，大家都好珍惜呢段關係！無論人哋點講都好，我哋都會有自己嘅默契，子丹無可能唔尊重詠春！」