甄子丹拜會葉準解心結

片酬高達二千萬人民幣的甄子丹，其擔正的《葉問2》再續第一集強勢，票房大收旺場，卻惹來大堆負面新聞，先傳他遭洪金寶直斥「語無倫次」，再有指葉準罵他不敬，又指他刪改拍檔戲份等。

正如他在戲中教黃曉明學武精神乃「貴在中和，不爭之爭」，對於種種傳聞，現正身處北京的子丹雖未有動氣，但接受本報訪問時卻直指事件影響身邊人情緒：「係我太太（汪詩詩）唔開心！」子丹直指投身拍攝武術電影是為了推廣武術，如今事與願違，自然大感唏噓：「武術界係好多是非，估唔到影圈更甚！依家難得有套電影罕有地一致好口碑，大家係咪應該團結啲，而唔係搞是非？」

自認冇權做編劇

對於傳與洪金寶不和，子丹直言摸不着頭腦：「之前我同洪金寶見面都仲搭晒膊頭，覺得件事好笑，我哋各自嘅說話都畀人歪曲咗。」談到傳他刪除對手戲份一事，子丹笑言是無稽之談：「我改得咩？我又唔係老闆同編劇，或者我拳腳功夫好有power，但呢啲嘢我無power！話我cut人戲份，根本冇可能！」在眾多是非傳聞當中，子丹還特別提及與葉準的關係：「我一直好尊重佢（葉準），我不但跟過佢學武術，仲跟過佢去佛山體驗詠春門派添！」見是非愈演愈烈後，子丹更第一時間致電葉準澄清：「早幾日我都覺得唔好意思，就打長途電話同師傅單聲，話我拍完電影會再特登返嚟搵佢老人家食飯，我不嬲都好尊重長輩。我相信觀眾嘅眼睛係雪亮嘅，我會用行動粉碎所有謠言。」

另對於葉準師傅早前受訪時指子丹不應將個人性格加入電影角色中，子丹表示並不介意：「其實每個演員都要同角色融合，咁樣拍出嚟先會好睇。（介唔介意葉準師傅咁講？）唔介意，佢本身又唔係演員。」

子丹稱一直很尊重葉準師傅，並無不敬。

甄子丹（左）早前帶同全力支持他的太太汪詩詩為其蠟像（右）揭幕。

為演神髓付出多

其實子丹為《葉問》電影系列真的付出很多，為充分掌握及演繹葉問這位一代宗師的神髓，子丹不但抽空向葉準師傅學詠春，買下大批與葉問及詠春有關的中英版本書籍鑽研，還不放過葉問師傅的點滴：「之前葉準師傅同我講佢爸爸嘅往事，我用錄音機錄咗足足三個鐘，仲擺喺枕頭旁邊晚晚聽住，重複又重複……我就係為咗想演好個神髓，就係為咗想表揚葉問。」

除了心靈疲憊外，子丹更大爆拍攝時同樣吃盡苦頭：「拍呢套戲我要減肥十幾磅，身體好虛弱，入過兩次醫院、吊過兩次鹽水，眼角又傷埋，就連返香港探小朋友嘅時間都冇。」不過《葉問2》能在短短十五天內在本港勁收三千多萬及逾二億人民幣內地票房，足以證明子丹的付出絕對沒有白費！

文：影視組