JC收起警鐘免墮鹹網
擁有一對警鐘胸的Jessica C.（JC），昨日以嘉賓身份出席apm舉行的「米芝蓮8星級宿一宵」世界盃宣傳活動，雖然擁有噴血身材，但分別換上吊帶短裙和迷你Tee加熱褲的Jessica，性感程度不及穿比堅尼扮出浴的外籍model。問她為何不以比堅尼上陣？Jessica說：「呢排要小心啲，唔想出到嚟變咗另一樣嘢，短Tee加熱褲OK，比堅尼就唔好喇。」
對於自己的照片出現於成人網站，Jessica扁扁嘴說：「公司講咗畀我知，我知啲相本身無色情成分，人哋點用我控制唔到，我好鍾意我嘅工作，唔想摧毀自己形象，唔想再有任何我嘅相片出現喺呢類網站。（會唔會採取法律行動？）交畀經理人公司決定。」
提到世界盃，她和男友都支持巴西隊，她說：「今年係我哋第一年一齊睇世界盃，（鍾意邊個球星？）我鍾意卡卡，覺得佢好乖仔，碧咸都好，其實所有Cute guys我都鍾意。」