趙碩之烏身控球騷quali
趙碩之、戴夢夢和尹蓁晞（Yumi）昨日宣傳睇波活動，拋胸晒腿大騷「控球」技術，Yumi透露寫真集以護士及女僕造型出現，更打算給男友拍「私密照」。
昨日三女以性感打扮出席在尖沙咀酒店的總統套房舉行的「奧海城睇波‧超豪帝皇式享受」發布會，尤其碩之以喱士背心透出黑色tube-top配上熱褲，而大會安排穿上高踭鞋的三女即場示範「控球」招式，酥胸半露的碩之表現最搏，以背脊「頂波」，一招「烏身」胸前「事業線」即時爆錶，更任影唔嬲，果然好「相與」。
夢夢腳法搭夠
而一身tube-dress的Yumi要她做踢球動作亦顯得有點尷尬，最後索性胸前「頂波」，雖然夢夢身材比兩位師妹失色，但實行腳法搭夠，穿上高踭鞋仍能「啲波」，更笑謂：「我有打底o架，唔會走光。」而大會為宣傳睇波送鮑魚早餐，三女便捧着名貴乾鮑拍床照。
講到以性感造型出現，三女齊聲表示因不知要玩遊戲，而Yumi亦覺得這身打扮格格不入，碩之則言：「諗住着背心靚啲，OK嘅，着咗tube-top唔會走光。」
私密照醒男友
至於Yumi將拍攝寫真集，她透露今次是cosplay主題，單是置裝費已六位數。十多款制服look中，Yumi謂最喜歡是護士和女僕造型，而攝影師更稱會帶點SM feel。Yumi笑言男友都喜歡cosplay，到時影完相或者私下穿女僕衫給男友拍照。男友可要求她拍裸照？Yumi即言：「咁就冇，男友要求影啲錫嘴相，我都唔肯o架！」 文：音樂組