陳法蓉分享藝人煩憂
陳法蓉、孫耀威、王祖藍與洪欣等昨出席《紅黑皇佈道會2101》記者會，陳法蓉透露當晚活動上會與眾分享，她說：「好多人以為藝人生活好多姿彩，其實都有煩惱同擔憂，想同大家分享吓。」問到前男友倪震會否到場，她說：「唔知，我冇問邊個嚟邊個唔嚟，邊個嚟都咁高興，早排睇報紙知道佢會同另一半受浸，我都祝福佢哋。」
另外，孫耀威透露與MC Jin等人組成「Light Club」，他說：「希望將光明帶給大家，你知娛樂圈有黑暗一面，藝人之間未必交到心，所以喺嗰度會無所不談。（無晒私隱？）我哋好保密嘅。（女友陳美詩入咗會？）佢係另一個會。」他指在事業上曾遇不順利，受到冷言冷語，試過借酒消愁，最後發覺解決不到問題，現學識寬恕而不是憎恨。
