祖名撐老竇有情有義

有傳跟隨成龍長達三十多年的盧惠光，早前被「炒」時僅獲十萬元補償，故有意尋求勞工處協助。對於有關傳聞，光仔昨解釋：「我從來無話主動要搵勞工處，係個記者話要幫我追討，佢鍾意做咩我控制唔到！」被指離職多時仍未有穩定工作的光仔，又強調自己有付出努力尋找合適工作，亦否認如傳聞所指要靠朋友渡過所謂「難關」：「話洪金寶幫我，雖然洪金寶係有搵過我拍廣告，但佢搵我都要我適合至得，我都有付出嘅。」不過問到光仔是否覺得成龍欠人情味時，他則表示：「唔想評論，個天睇到晒一切。」至於同樣被指遭炒魷後大感不忿的前成龍近身助手段偉倫則表示：「我離開咗七年，好在自己識得謀生，我喺沙士時畀人炒好悽慘，搵唔到嘢做。（話成龍無人情味？）大家好明白。」

陳自強互傳短訊

另傳聞又指陳自強離職成龍公司時亦鬧得不愉快，但陳自強卻指迄今與成龍仍有聯絡，他說：「我同大哥大時大節有send短訊畀大家嘅，我跟咗佢三十幾年，大半世人都畀咗佢。其實依家搵番舊嘢嚟講好無謂，開心嘢記住咪得咯，唔開心唔好記喇。其實祖名同嬌姐（林鳳嬌）都對我好好，每次返嚟都會約埋一齊食飯，當年我睇住阿仔（祖名）出世，同成龍兩個男人喺醫院一齊喊，人哋都好奇怪邊個係老竇。」由於好友光仔及段偉倫均被指炮轟成龍，問陳自強會否勸他們別太激動時，他則表示：「可能佢哋屈咗咁耐，吐番出嚟都係好嘅。」

放大圖片	盧惠光表示從無主動說要搵勞工處幫手。（資料圖片）

和平氣氛下離職

對於種種不利消息衝着爸爸及公司而來，作為公司CEO的祖名直斥散播傳聞者不負責任，並力撐爸爸說：「其實屋企（事業）一直以嚟咁成功，係因為朋友同義氣。話爸爸對員工無人情味，我眼中所見佢對員工好好，係講義氣。當年有車廠贊助爸爸，佢都豪畀佢哋（員工），車牌都畀埋佢哋，咁都無人講句多謝。」祖名又指對於有多名老臣子離職大感不捨，但卻解釋一切要配合幕後大老闆決策，並強調所有員工都在和平氣氛下離職，有些到現在仍與父親維持合作關係。至於身處內地的成龍，則至截稿前仍未能取得回覆。

文：影視組