婷婷出心出力改名買尿片
張栢芝入院生B，姑仔謝婷婷只顧沉醉愛河，一於懶理，不過婷婷不是沒心肝，一早已為謝家新成員想好英文名字，就連哥哥霆鋒也大表滿意，但暫時保密不便公布。
昨日謝婷婷為JOY & PEACE擔任嘉賓模特兒，事前她已表明要趕時間走人，記者問她是否趕着探望栢芝？她笑說：「唔係，我趕住拍拖，同埋媽咪都叫我等埋佢先一齊探，唔好自己去。（係咪同男友安志杰一齊揀禮物？）係喎，我之前送過鞋仔畀Lucas，都幾貴，或者送尿片啦！」
最怕被人改花名
栢芝臨盆之前，婷婷說：「媽咪話阿嫂個肚又大又挺，阿嫂仍然好活躍，又企又郁，跑步都可以呀！」BB的名字改好了沒有？她續說：「其實之前已經諗咗一大堆，但佢哋今日鍾意呢個，聽日又鍾意嗰個，所以都未改好，但我自己就提供咗個英文名，阿哥都好滿意，不過就唔講住。」婷婷笑言自己的謝姓英文讀音很容易讓人改花名，因此改名要特別小心。
安志杰恭喜霆鋒
安志杰前日（11日）生日，早上在內地與甄子丹拍攝電影《關雲長》，劇組特別為他慶祝，甄子丹因知道安志杰很想跟女友婷婷同度生日，所以，特別加快手腳完成兩人的對打戲份，好讓安志杰可於前晚趕回港跟女友一起慶祝，共度良宵，昨日安志杰更將與婷婷同慶生日的相上載微博。對於謝霆鋒再做老竇，安志杰笑言恭喜晒，實在是樁喜悅的事。晚上，他與婷婷拍拖到醫院探栢芝。