栢芝父母冇露面

張栢芝宣布懷有第二胎開始，老爺謝賢及奶奶狄波拉對她寵愛有加，經常陪伴high tea之餘，更揼錢買補品為栢芝補身，相反栢芝的親生父母一直潛水未有露面，早前傳出其父「鬍鬚勇」獲栢芝放水為他開娛樂公司，但一直未有蒲頭。

至於栢芝媽Shally與男友於西環合資經營海鮮酒家，又指她以六位數字投資美容生意，本報昨日曾經到西環上址查問，但未見兩人蹤影，當問到老闆娘的下落時，員工表現得非常避忌，只表示：「唔知，唔好問我哋！」而當記者致電Shally時，她的電話已經停止服務。