栢芝添丁剖腹誕7磅7肥B

謝霆鋒、張栢芝第二位「明星B」昨晚終於在全城矚目下剖腹出生，重7磅7安士，母子平安，可喜可賀。霆鋒一如栢芝生Lucas，親身陪入產房為太太打氣，而栢芝則以「芝奶」餵哺，望細仔如哥哥一樣健康成長。
栢芝為讓ＢＢ健康成長，將以「芝奶」餵哺。（設計圖片）
栢芝為讓ＢＢ健康成長，將以「芝奶」餵哺。（設計圖片）

霆鋒、栢芝的細仔於昨晚約10時許出世，屬肥B重7磅7安士，比初生時重6磅半的哥哥Lucas更「大件」。約晚上10時25分，謝賢及拉姑帶同Lucas落樓會見傳媒，兩人難掩再任爺爺、奶奶的喜悅，爭住向傳媒公布喜訊：「多謝大家關心，佢哋嘅小朋友出咗世啦。」四哥、拉姑說是奉霆鋒之命做「報喜鳥」公布消息，指BB樣似雙親，同樣是靚人一名。

陪伴妻兒多12日

四哥、拉姑雙雙透露新孫兒是剖腹出世，應由霆鋒親自剪臍帶，但否認由長輩揀吉時出世，拉姑說：「係由BB自己揀。」現時栢芝已蘇醒，四哥更形容：「好精神，冇乜嘢。」而BB正在沖涼中。昨晚霆鋒未有廣發BB相，問到他們可會發BB相？拉姑表示開心事，稍後一定會發相。問可有為BB改名？他們說：「未有，霆鋒要睇吓有乜感覺先，睇吓似邊個，但英文名就有幾個心水。四哥又說Lucas已見過BB，又說喜歡細佬。」問霆鋒是否留在醫院？四哥說會。

霆鋒昨日抱着Lucas探望栢芝。
  • 霆鋒昨日抱着Lucas探望栢芝。
霆鋒前晚手持遊戲光碟離開好友郭偉亮寓所，折返醫院陪伴待產的栢芝。
  • 霆鋒前晚手持遊戲光碟離開好友郭偉亮寓所，折返醫院陪伴待產的栢芝。

愛妻心切的霆鋒，昨晚陪同栢芝入產房剖腹產子，為太太打氣之餘，亦可第一時間和細仔見面，家屬及好友們則在產房外靜候佳音。據知栢芝產後，為着BB健康着想，將與Lucas一樣餵人奶。

霆鋒出現，即吸引半百傳媒蜂擁拍照，場面一度混亂。
  • 霆鋒出現，即吸引半百傳媒蜂擁拍照，場面一度混亂。
四哥及拉姑昨晚做「報喜鳥」，向傳媒公布栢芝誕下健康肥Ｂ。
  • 四哥及拉姑昨晚做「報喜鳥」，向傳媒公布栢芝誕下健康肥Ｂ。
拉姑在老公鬍鬚Kong陪同下抵達醫院，心情勁靚的拉姑更有問必答。
  • 拉姑在老公鬍鬚Kong陪同下抵達醫院，心情勁靚的拉姑更有問必答。

再做老竇的霆鋒，據知只可陪伴妻兒多12日，於本月25、26日便要起程往內地拍電影，逗留約個多月，負起好爸爸責任勤賺奶粉錢，兩公婆齊為一對囝囝分頭努力。

霆鋒前晚逗留醫院僅5分鐘便乘黃色跑車離開。
  • 霆鋒前晚逗留醫院僅5分鐘便乘黃色跑車離開。
戴碧芝探完妹妹栢芝後，由職員通道離開。
  • 戴碧芝探完妹妹栢芝後，由職員通道離開。

栢芝產前一日（即前晚），霆鋒離開好友郭偉亮的寓所時，手持PC電腦遊戲光碟，步上七人車往養和醫院陪待產的栢芝，霆鋒曾點頭示意會在醫院留夜，不過僅逗留5分鐘，於凌晨12時35分又離開，步上由助手表哥駕駛的跑車返回赤柱寓所，上車前霆鋒稱回家是因栢芝等人已安睡，問他細仔英文名是否Focus？他冷笑說：「梗係唔係啦！」

Lucas逼到扁嘴

昨午3時半，前晚及昨日均着同一條紅色褲的霆鋒，離開寓所前往銅鑼灣接囝囝Lucas，兩父子前往養和探栢芝，霆鋒和Lucas的出現，吸引半百傳媒蜂擁拍照，場面一度混亂，本是笑住四圍望的Lucas，逼到嘴仔扁扁，霆鋒亦冇笑容。到4時15分，栢芝家姐戴碧芝到醫院，她等𨋢時有傳媒問可否叫栢芝現身拍照及栢芝生未？她只是笑笑，沒有回應，探完妹妹便由職員通道離開。謝婷婷孖住男友安志杰於晚上，手執鮮花探阿嫂及和初生姪仔見面。

文：音樂組