榮雪梅隨街吔包冇晒儀態

榮雪梅曾經都喺ball場紅過吓，當時佢每逢出嚟見人，都扮到鬼火咁靚。不過近呢幾年，榮雪梅只係間唔中出席吓啲公開活動，收晒火。咁啱前幾日八太就喺中環見到佢同個女友人行街，當日榮雪梅就冇乜點化妝，八太唔擘大眼睇真啲，都差啲認唔到佢，見榮雪梅同個朋友一路行一路攞住個麵包吔唔停，似乎好肚餓咁喎！不過當榮雪梅見到八太時，可能佢知自己話晒都係ball場客，食到咁冇儀態，榮即刻暱埋喺朋友後面，仲急急腳閃人。