梁政珏炒車怕家人怪責
無綫新紮咪神梁政珏、高海寧及一班港姐，昨日穿上球衣為《2010無綫世界盃由我啟動》造勢。塗了指甲油配合宣傳的梁政珏，自爆為趕出席活動，不慎撞車。她說：「啲指甲我特登搽，有阿根廷國旗同無綫台徽三色。頭先揸車過嚟跣胎，撞貨車尾，個司機猛鬧我，我撞親條頸，好怕屋企人怪我撞凹架車。」
同場的高海寧表示：「遲啲會去南非為無綫拍世盃節目。我知當地好熱，到時我會着背心、球衣。我唔擔心當地治安，最多咪唔出夜街囉。」
無綫總監（非戲劇製作）何麗全則說：「為滿足觀眾，無綫花七位數字引入咗歐美系統，虛擬入球精華放喺翡翠台播。世盃氣氛唔夠熾熱，我哋會做多啲宣傳。（係咪益咗有線？）無綫有信心攞到自己觀眾。（傳有線千萬斟李克勤講波。）佢推咗，我哋仲傾緊，唔會畀咁多錢。」