梁漢文爆筋孭200磅小胖

小胖昨到山頂接受無綫收費電視節目《Big4大四喜》訪問，不接受傳媒訪問的小胖與Big4玩遊戲，被安排問Big4其中一人問題，結果抽中問梁漢文，小胖問梁漢文何時告別處男？梁漢文笑言：「我舊年至結婚，咪舊年至破囉！」此語一出，全場噓爆，張衞健叫梁漢文講真答案，否則要孭起小胖，結果梁漢文孭起小胖受罰孭到青筋暴現。

老婆准女

蘇永康透露今次是Big4親自「碌卡」邀請小胖做訪問：「小胖只係畀Big4做獨家訪問，其他都冇架，我覺得好威，因為之前小胖只係做CNN訪問。」問到稍後再請誰人擔任嘉賓，蘇永康直言想請徐熙娣（小S）來滿足梁漢文：「梁漢文當小S嘅訪問節目好似閃卡咁儲架，不過我怕梁太會嚟監場。」在旁的梁漢文邊流汗邊反擊：「佢（太太）知架！」蘇永康又爆梁漢文與太太相處之道：「佢兩公婆好搞笑，佢喺街見到靚女會同老婆討論。」

張衞健輸唱功

此外，問到許志安會問小胖甚麼問題？他表示刁鑽問題不是他們的風格，他又笑若當年小胖跟張衞健同參加新秀，張衞健必輸唱功，但他亦覺小胖跳舞勁。

文：影視組