周啟邦太太：明顯作古仔
本報近日接獲讀者報料，指已故的周啟邦1960年於香港與一名中日混血兒誕下一名私生女，後來該女子改姓江，現年五十歲。昨日記者分別致電周啟邦夫人周譚月清及其子周國豐求證此事，周國豐聞言不禁笑了兩聲，他肯定父親一生從沒外遇，更透露自父親離世後有不少人認親認戚想分遺產，他說：「其實都唔係得呢一單，之前都有人上律師樓，係一個有大陸口音嘅男子，佢認係我爸爸個仔。」
而周譚月清聞言即說：「呢啲嘢明顯有人作story（古仔），1960年我同佢已經結咗婚，我哋真係秤不離砣，我從冇見過又未聽過有咁嘅人。佢去邊我都一齊去，佢唔去party我都唔去。話你知，佢個仔同佢一樣都係咁專一，呢個老婆泳霖都係佢初戀，唔知點解真係兩父子都係咁專一。佢（丈夫）為人唔會搞咁多嘢，佢覺得個世界已經好complicated（複雜）」。
見慣類似個案
對於是否有人想認親戚分身家，她表示昔日身為律師時，接手過很多類似個案，她說：「不過要錢唔係咁易，要有好多證明證實身份。我阿哥譚永成，即係同林鳳結婚嗰位，當年佢死時，好多人出嚟認係佢個孫，仲有人認情婦，真係好多。」
文：名人組
爆料編號：ireport_00022731 暱稱：dd