蔡少芬張晉唔心急生B

蔡少芬（Ada）昨日連同老公張晉、王祖藍等人出席《紅黑皇佈道會2010主題曲MV發佈會》，Ada跟老公接受訪問時表示這次《紅黑皇》的意義重大：「紅代表藝人，黑係黑社會，皇就係差人，呢個組合一齊搞布道會都幾得意。」布道會於6月舉行，Ada謂到時她會談及自己的見證，至於婚姻生活？她說：「到時就知，希望可以吸引多啲人注意！」
Ada與老公張晉暫未有喜訊公布。
Ada與老公張晉暫未有喜訊公布。

問到二人何時生小孩？張晉說：「有咗一定會話畀大家知，呢啲慢慢諗，呢排成日分開兩地！」他笑言太太還後生，只有二十五歲！而Ada則表示香港很多人也遲結婚及遲生小孩：「最緊要係身體健康啫，我對自己身體都有信心。」

Ada見到小妹妹就忍唔住要錫錫。
  • Ada見到小妹妹就忍唔住要錫錫。