方力申甩底有線有理

前晚有線搞世界盃棟篤笑，通告名單有方力申，他卻甩底冇出席，昨日小方和華姐陳爽出席普通話嘉年華，他澄清說：「因為主持係我朋友，佢叫我捧場，但前一晚公司先知有線出咗通告，叫我唔好去，我都覺得同無綫有歌手合約唔應該出席。」

第二年擔任普通話大使的小方坦言有壓力：「媽咪係北方人，佢成日聽我用普通話接受訪問都擰晒頭，加上依家中、小學生都講得好流利，自己好慚愧。」陳爽操普通話作母語，來港後她才學廣東話，有次做兒童節目將「拋嚟拋去」講咗「丟（粗口諧音）嚟丟去」被工作人員笑，令她瘀爆。