蔣怡主持世盃球球到肉
由名模轉型為主持的蔣怡為氹球迷開心，稍後亮相世界盃活動，主動要求以性感打扮上陣，讓大家看球賽之餘還有靚女穿插其中，更為養眼。
為配合世界盃熱潮，有線電視三位體育主持鍾國雄、許博文及龍華琛聯同世界盃天使齊齊粉墨登場表演三場棟篤笑「有線世界盃之足球大龍鳳」，前晚首場演出吸引一眾圈中人捧場，包括蔣怡、鄺敏慧（中巴）、譚凱琪及周俊偉等等。
睇靚女開心啲
一身低胸長裙示人的蔣怡透露稍後會主持世界盃，更會主動要求性感上陣，打破着波衫講波的慣例，她直言：「我想着得Sexy啲，因為多數人主持都係着波衫，我想同佢哋唔一樣，仲有睇男仔跑來跑去多，睇吓女仔着靚啲會開心啲。」蔣怡坦言和男友一向對足球興趣不大，甚少一起看賽事。對於兩人拍拖十年，仍未有結婚打算，蔣怡說：「同男朋友一齊好開心，佢娶唔娶我都冇所謂。（你想唔想生BB？）唔想，生唔生都冇所謂，我都唔鍾意BB。」
中巴熱捧巴西
同場的中巴揚言在巴西長大，自幼熱捧巴西隊，至於最近體形突然胖了不少，甚至有升cup之嫌，中巴稱體重和之前差不多，她說：「我覺得自己幾fit，不過香港啲女仔個個比我瘦，所以我都要再瘦啲。」當記者問及其舊愛崔建邦喜歡她肥還是瘦？中巴即說：「呢啲嘢我唔會再提。」
文：影視組