周秀娜全裸3D凸襲JC
去年寫真大贏家周秀娜（Chrissie）今年暑假再度出擊，但礙於近期上位的人氣女模Jessica C.亦在活動上宣布計劃推出處女寫真，Chrissie為迎戰勁敵，寫真除了之前預告全裸上陣外，並會大玩3D，帶來更激視覺效果。
周秀娜已經起程遠赴歐洲蒙地卡羅拍攝新一輯寫真，除了靚人靚景外，Chrissie早已宣告會以全裸但三點不露上陣，不過，由於今年對手強勁，連「警鐘胸」Jessica C.亦加入寫真行列，Chrissie不容有失，今次寫真集將會加入3D效果，令其驕人身材更加突出兼有立體感，增加視覺觀感。
A. Lin玩SM俘虜宅男
Chrissie的同門師妹亦在寫真集中以不同噱頭作招徠，實行包抄Jessica，例如A. Lin及Da Da組成的Sugar Beez會在寫真中玩沖涼誘惑，Annie G.與Hailey C.組成的Monster Beez則會玩SM Feel，至於新八模兵團會玩賭具，以滿足不同宅男需要。
此外，昨日Jessica首度穿着婚紗行show，為「香港文華東方酒店豪華婚宴展」活動擔任模特兒，示範多款由本地設計師何國鉦設計的性感婚紗，及戴上著名首飾品牌Chaumet的名貴珠寶。Jessica透露這是來港後首度穿婚紗：「覺得自己好似真係結婚做新娘子咁，亦都好似公主。我之前喺第二度有行過婚紗show，但喺香港就係第一次，不過如果真係結婚，我希望着簡單嘅婚紗。」問她理想的婚禮是怎樣？她想了想說：「要喺夏天舉行，要有陽光同海灘，大家都好放鬆好開心，（會着咩婚紗行禮？）比堅尼襯短裙。」
適當時候現「警鐘」
Jessica表示現計劃推出處女寫真，一於與一眾o靚模夾「攻」書展。談到早前她出席活動時忽然封胸，她解釋並非告別性感，只是認為「警鐘胸」應該在適當的時候才「現身」，她笑說：「我着衫唔會特別考慮係咪要show胸，最重要係着得舒服；不過如果同長輩一齊，警鐘胸就梗係要收埋，但同朋友一齊就可以出嚟囉！」認真鬼馬。
文：名人組