孫耀威動L 陳美詩速逃
孫耀威（Eric）及陳美詩皆為教徒，自公開戀情後二人有否犯「色誡」，進行婚前性行為成了近日熱話。昨日孫耀威出席教會分享會時回應會否「犯禁」，似為自己留下後路，答得相當保守：「十誡其實唔易守，要慢慢嚟，我認識宗教之後有好多嘢都係出於愛去做，唔係痛苦咁守，唔係勒住貞操帶咁守色誡。」
在同日的亞視活動中，Eric表示自己的新歌成為三台之冠，記者指美詩的戀情旺他時，他表示：「唔好咁講，不過真係多人祝福，fans接受我都放下心頭大石。（陳美詩話你『動L』佢會走避？）吓？都應該嘅，唔好講咁多，會變風月版！」
而陳美詩於昨日出席教會活動，記者指Eric似暗示未能守誡時，她說：「我相信佢，萬一佢真係『動L』我會逃跑。（你走咗佢點解決？）佢咁大個，又唔係十幾歲，成熟男士會處理得好。」對於Eric表示自己有最壞打算，更稱「今日係女友，聽日未必係」一事。美詩聞言仍力撐男友：「有心理準備都好，可以預備同警惕自己，有正面影響！」