岸西保護湯唯挑戰禁令
女性導演抬頭！奧斯卡有了首位女性「最佳導演」嘉芙蓮碧姬露，香港亦有我們的許鞍華、張婉婷，至於兩度獲金像獎編劇的岸西亦在導演方面漸受注目，半途出家的她直言女性當導演殊不容易，她大膽起用傳遭封殺的湯唯，盛讚對方可塑性高。
岸西在編劇路走得相當順利，曾先後憑《甜蜜蜜》及《男人四十》摘下香港電影金像獎最佳編劇獎，由她編寫的劇本陪伴不少人成長，當中有大家熟悉的《安娜瑪德蓮娜》、《特務迷城》、《玉觀音》、《三岔口》及《蝴蝶飛》等，岸西近年忽然由編變成導，她笑說：「雖然美國大變天，有奧斯卡女導演、有黑人總統，但喺片場一定有人對女人有偏見，有人未必肯聽我講嘢，話晒我臨老出家，又或者我諗嘢比較幼稚，但我唔介意，最緊要學到嘢，我嚟就係要學，要獨來獨往，做編劇咪得囉，使乜改變呀！」
性格外柔內剛
單看外表岸西似文人多於導演，去到片場也是一副斯文模樣，看似柔弱的她比很多人都要固執和堅持，由完全不懂做導演，去年親自執導第一部戲《親密》，獲得各界好評，更獲邀出席不少影展，以為她過完導演癮便足夠，怎知又馬上開拍規模更大的第二部作品，由張學友及湯唯主演的《月滿軒尼詩》，別人都在擔心湯唯被禁，影片拍了也不知能否上畫，她偏偏不怕：「我好鍾意湯唯，佢彈性好大，有啲角度好靚，有啲角度又好普通，可以做好多角色，一個咁好嘅演員仲要係好勤力、好難得，我一見到佢就好想保護佢。」女性的直覺就是這麼一回事，電影拍竣，能夠順利上畫，湯唯的角色亦非常討好，沒有浪費岸西的直覺。
作品似生ＢＢ
從《親密》到《月滿軒尼詩》，岸西給自己的評分是有了進步，今次比第一部電影少了一份患得患失，她說：「《親密》比較另類，今次場口多咗，錢多咗，演員都多咗，要控制嘅嘢比上一部戲多好多，每次都學到新嘢，我覺得女人做導演就同生ＢＢ一樣，要趁後生生多幾個，遲啲冇得生！」
文：影視組