爾冬陞自嘲「常客」輸獎贏風度
電影《竊聽風雲》在《第29屆香港電影金像獎》中奪得「最佳剪接」殊榮，監製方平、爾冬陞立即拉隊到半島酒店設慰勞宴，鮑起靜、許鞍華等均畀面出席。雖然爾冬陞未能憑《新宿事件》奪最佳導演，但他表示並沒失望：「唔會失望，我係常客嚟o架嘛，唔通成日拎獎走咩。呢個係佢（陳德森）多年嘅願望，每個導演都會有佢嘅目標，對導演嚟講，係需要呢個鼓勵。（任達華膺影帝？）好開心，老套啲嗰句演員付出咗努力，拎獎係遲早問題，最緊要唔好放棄。」
爾冬陞又透露被影后惠英紅的得獎謝詞而感動落淚：「好感動，呢行壓力好大，會比較感性。壓力容易令人跌落谷底，我都曾擔心創作唔到，又怕冇人搵。」他透露廿多年來未哭過，但近期卻一個月內哭了兩次：「另一次就喺吳彥祖嘅婚禮上囉！」