惠英紅high爆男女任啜

廿八年後再奪影后的惠英紅（小紅），在金像獎頒獎禮過後，即宴請電影《心魔》一眾宣傳人員到尖沙咀寧記火鍋慶功，其好友鍾慧冰、許秋怡及王書麒亦有到場。

吳君如攬住喊

為給予出爐影后小紅驚喜，劇集《鐵馬尋橋》一眾演員前晚亦有到慶功宴會場，湯盈盈、馬國明及鄭嘉穎更輪流為小紅送上香吻祝賀，令小紅喜上眉梢，盈盈更與小紅來個親熱咀嘴。談到得獎一事，惠英紅即指心情仍未平復：「真係好開心，一宣布完，君如即刻攬住我，係咁叫我唔好喊，但係佢同我講嘅時候，佢已經喊緊！我同佢係好好朋友，大家事前都答應對方，唔理邊個贏都好，另外一個都要擁抱對方，仲要請對方食飯！」

馬國明（右）、鄭嘉穎（左）左右獻吻，令惠英紅甚為受落。	湯盈盈（右）與惠英紅咀嘴！	出爐影后惠英紅前晚拉隊吃火鍋慶功。

小紅指金像獎對她來說是一個情意結：「廿八年後終於得番，我由好高好高到好低好低，我喺台上講嘅都係心中想講嘅，都係有感而發，同埋我要好多謝身邊嘅好朋友喺我最低潮時拉我一把，如果唔係我都唔知仲喺唔喺度，大家可能已經見我唔到！」在頒獎禮中她直言要服食過心臟病藥後才敢上台領獎，問她是否心臟出現問題？小紅解釋說：「唔係，因為自己近排好攰，醫生話我疲勞過度，身體負荷唔到，當時我手袋入面只有朱古力同心臟藥，我已經食住朱古力令自己放鬆，但到宣布前我個心好似要跳出嚟咁，所以先食藥令自己放鬆吓，我諗如果我冇食藥嘅，宣布嘅時候我已經暈咗。」

冇信心碰周迅

雖然已奪得金像影后，不過小紅坦言對內地的華語電影傳媒大獎卻信心不大：「我都好想好似張家輝咁，但係上次金馬獎因為有周迅同李冰冰，令我調咗去競逐女配角，所以今次要同佢哋兩個正面交鋒，我信心真係唔太大，我盡量啦，不過對我嚟講，金像獎係最重要嘅。」而前晚眾人盡興至凌晨三時才由火鍋店離開，心情大靚的小紅回家時更先與傳媒揮手，才踏進家門。

文：影視組