Lavina神秘人約海旁見
o靚模鍾蕙芝（Lavina）昨日舉行廿三歲生日會，自爆有神秘人約她到海旁見面，揚言好想拍拖的她表示會赴約！
Lavina昨日於銅鑼灣舉行生日會，對於自己已廿三歲顯得不好意思，她說：「唔好問啦！廿三歲，過埋呢年就要倒數年齡。」她的生日會以面具為主題，故她特別以《愛麗絲夢遊仙境》的主角造型為藍本，穿着露腰裝扮愛麗絲，不過都不及她手上的六位數鑽飾搶眼。她表示：「戒指有一卡，手鏈係我自己送畀自己，過去一年工作，都要慰勞自己！（咁買咗幾多錢？）都有六位數！不過六位數都可以有高有低嘅。」
變阿凡達做男友
她續表示希望收到別人所送的戒指，不過至今仍未有男友。為答謝fans，Lavina即席表演魔術，笑言想變一個靚仔畀自己做男友：「但我又好驚變錯叮噹！變個阿凡達都唔錯！」
談到生日願望，Lavina說：「咁我都希望搵到個啱心水嘅男友！依家都有人追。（怕唔怕對方只係為咗你身材？）咁身材都係我嘅一部分，當然希望可以愛我由外到內！」她又自爆昨早收到一個神秘人送上一隻大熊公仔及花，更要求她晚上十一時到海旁與她會面，Lavina笑指可能被人整蠱，或會與朋友一起湊熱鬧看看神秘人是誰。
文：名人組