趙碩之峰芒太露被寸肉彈

趙碩之前晚出席中環Harvey Nichols舉行的L'Autre Chose活動，同場還有設計師Michela Casadei助陣。趙碩之以超低胸打扮輕易K.O.穿上Matthew Williamson低胸連身短裙的周倩圯，就算周倩圯又露波罅又騷美腿，亦不及趙碩之的事業線搶鏡。期間趙碩之的裙子不時下滑，無意間露出nude bra邊。

談到位於大腿內側的紋身，趙碩之解釋只是「陰」位，又自爆紋身未獲母親批准：「我媽咪唔知我紋身，可唔可以當我冇講過？我驚畀佢睇到！不過佢問我，我會同佢講係印水紙。」近日Angelababy跟周秀娜均揚言會全裸上陣拍寫真，問趙碩之會否效法？她就故作神秘說：「總之係靚嘢啦！」

周倩圯自爆裙子由緋聞男友為她挑選。

設計師Michela Casadei（中）亦有出席活動。

江若琳被笑冇taste

至於周倩圯坦言裙子是緋聞男友Ricky挑選，對於被趙碩之搶盡風頭，她就暗寸對方說：「我滿足現狀，崇尚自然，冇咁肉彈。（趙碩之係肉彈？）唔係！唔好對號入座。太巨胸着衫唔好睇，我喺歐洲睇騷見到好多國際名模都冇胸。」

同場的江若琳以一身成熟打扮現身，記者笑問她是否轉走成熟路線？她直認不諱：「以前好鍾意粉紅色，唔介意由頭着到落腳，但依家就鍾意成熟同性感啲打扮，仲鍾意咗買高踭鞋。」她又坦言十分恨拍拖，笑說以前只愛俊男，曾被楊丞琳指她「冇taste」，但現在則希望男友有才華。

文：名人組