志雲黨人人自危

鄧健泓：即時被飛出《勁歌金曲》，4月1日他為節目擔任最後一集主持時，坦言有點不捨得，現正拍攝無綫劇集《隔離七日情》。對於潘裕佳被炒一事，他愕然反問︰「係咪阿佳？首先我唔知佢被炒咗，第二我完全唔認識佢，自己唔清楚唔回應咁多。（你被飛出《勁歌》覺唔覺受影響？）我講咗好多次做《勁歌》主持都係頂替嘅，依家忙拍劇，環球亦會幫我出碟。（環球幫你出碟，你身份尷尬？）依家唔諗太多，總之盡力做好工作。」

唐詩詠：陳總涉貪停職後亦有參與對方飯局，雖在正播放的劇集《鐵馬尋橋》佔戲重，但宣傳並沒集中在她身上。她得悉潘裕佳被炒一事顯得愕然，問到身為「志雲黨」之一的她會否受影響？她說︰「我係同陳生熟，不過對我影響程度唔大，我喺製作部都算多工作，《鐵馬尋橋》後有《翻叮一族》，6、7月會再開新劇，（《鐵》少宣傳，你唔受重視？）ＯＫ啦，宣傳當然愈多愈好。（潘助查期間被炒係畀無綫開刀？）我唔清楚所以唔評論，但都有啲驚訝。」

張繼聰：「升呢」成為陳志雲愛將後工作不斷，自對方被停職後，成名作《超級巨聲》和《正識第一》開拍第二輯亦無份，上月的《博愛歡樂傳萬家》又突然被飛。

崔建邦：因涉打女友鄺敏慧惹官非，之後全面停工，只去非洲探訪，原有望復出幕前，卻因陳志雲涉貪候查而復工無期。

馬浚偉：因陳志雲而續約無綫，陳總被停職後，特別為他製作的節目《大廚出馬》亦因此沒有第二輯，他現只拍攝無綫劇集《隔離七日情》。

陳敏之：陳總涉貪停職後有份出席飯局，雖於《搜下留情》擔任要角卻非宣傳重點，幸而仍有份拍攝電視劇《公主嫁到》。